आरती कशी करावी ?

१. आरती सुरू करण्यापूर्वी तीन वेळा शंख वाजवावा.

२. अर्थ समजून घेऊन आरती म्हणावी.

३. आरतीतील शब्दोच्चार अध्यात्मदृष्ट्या योग्य असावेत.

४. टाळ्या आणि वाद्ये हळुवार, तसेच तालबद्ध वाजवावीत.

५. आरती देवतेला पूर्ण वर्तुळाकार ओवाळावी.

६. आरती ग्रहण करतांना प्रथम निरांजनाच्या ज्योतीवर दोन्ही हातांचे तळवे धरावेत. त्यानंतर उजव्या हाताचा तळवा डोक्यावरून पुढून पाठी मानेपर्यंत फिरवावा.

७. आरती झाल्यावर देवतेभोवती प्रदक्षिणा घालाव्यात. ते सोयीचे नसल्यास स्वत:भोवती  ३ प्रदक्षिणा घालाव्यात.

८. देवतेला नमस्कार आणि मानस-प्रार्थना करून तीर्थ प्राशन करावे आणि उदबत्तीची विभूती लावावी.